Մասնակից 21

Կան պատմություններ, որոնք հիշելիս մի պահ քարանում ես, զարմանում՝ չհավատալով, որ դա կատարվել է քեզ հետ։ Ապա սկսում ես կյանքը այլ կերպ ընկալել։ Հիշողություններն են, որ հագեցնում են ներկան։

Երբ իմացա, որ բալիկի էի սպասում, մտքումս հազար ու մի նախապայման ունեի՝ սեռի, արտաքինի, սակայն կյանքումս այդ փուլն այնքան լեցուն էր, որ դա մղվում էր երկրորդ պլան։ Շատ էի սպասում նրան, անասելի շատ։ Աշխարհն իմն էր։ «Մայր եմ դառնալու»,- կրկնում էի անվերջ։ Բառերով չեմ կարող արտահայտել այն ջերմությունն ու քնքշությունը, երբ հասկանում ես, որ նոր կյանք ես լույս աշխարհ բերելու։ Իսկ կողքիդ երջանիկ տղամարդ տեսնելն այլ է։ Երկուսով սպասում էինք մեր հեքիաթին…

 17.10.2018

Երբ երկնային ցավերի մեջ բժիշկները տեղափոխում էին ծննդատուն, ամուսինս ու ընկերները միջանցքում ինձ էին սպասում: Այնքան հաճելի էր տեսնել նրան այդքան երջանիկ. շփոթված քայլերով առաջացավ, ձեռքս ամուր բռնեց, համբուրեց  ու ասաց, որ մեզ է սպասում։ Մինչև վերջ նրա բառերը ինձ հետ էին։ Աչքիս առաջ բժիշկներն անհանգիստ շարժվում էին, անբացատրելի ցավերի մեջ հետևում էի նրանց՝ ցանկանալով որսալ ամեն ձայն, լսել երեխայիս ձայնը։ Գիտեք՝ սա հավանաբար միակ դեպքն է, երբ երեխայիդ լացը քեզ երջանկացնում է։ Փորձում էի հասկանալ՝ ինչ է կատարվում։

Խելագարվում էի…

Երբ մտածում ես, որ կարող է լինել անսպասելին, սկսում ես անհույս սպասել։ Այդ անորոշության մեջ փրկություն որոնելով՝ վայրի ձայնով ամուսնուս կանչեցի։ Կարծես ձայնիս էր սպասում։ Երբ ներս մտավ, ձեռքին այն կոշիկներն էին, որոնք միասին էինք ընտրել աղջկաս համար։ Առաջին անգամ կողքիս հզոր տղամարդուն տեսա կոտրված. արտասվում էր։

Աղջիկս մահացած էր ծնվել։

Խոր հառաչանքով պատասխանեցի այն կնոջ հարցին, որ ցանկանում էր գնել կոշիկները։ Մեկ րոպե լռությունից հետո աչքերս հանդիպեցին կնոջ այլայլված հայացքին։ Հասկանալով, որ պատմությունս նրան շատ էր հուզել, մեղմ ժպտալով ասացի. «Նվիրում եմ մանկական կոշիկներ՝ երբևէ չկրած»:

160 thoughts on “Մասնակից 21”

    1. Շատ արդիական շարադրություն էր և շատ հուզիչ 👏👏👏😭 կեցցես

    1. Այս գրվածքից երրում է որ հեղինակը շատ զգացմունքային մարդ է,յուրահատուկ աշխատանք❤

  1. Պատկերավոր էր ներկայացված, տպավորիչ էր ու անչափ հուզիչ 👏👍❣

  2. Հարգելի Նանե ջան հիացած եմ քո գրած շարադրությունով և քո անսպառ մտքերով

  3. Սիրելի Նանե շատ հուզիչ շարադրանք էիր տվել շատ հզոր են մտքերդ և գրագետ

  4. Հիանում եմ որ ունենք այսպիսի գրագետ և հասուն ուսանողներ:Նանե ջան միտքդ թող անսպառ լինի:

  5. Այս հիանալի շարադրությունը թող քո կյանքում երբեք իրականություն չդառա և այդ կոշիկները կրողը ծնվի առողջ և իր մայրիկի նման բարի հրեշտակ:
    Ներքնաշխարհս իրար խառնվեց: Կեցցես

  6. Շատ զգացմունքային ստեղծագործություն է ,որը կարող է ջարդել ցանկացած կարծրացած սրտեր, խոսքերը ավելորդ են:

  7. Կարդացի և շատ հուզվեցի որովհետև շատ հոգեհարազատ և իրական էր ինձ համար:

  8. Գեղեցիկ շարադրանք խորիմաստ մտքերով:Շատ լավ է, որ դեռ կան այսպիսի զգացմունքային և մարդասեր էակներ:
    Բրավոոոո

  9. Իմ սիրելի աշակերտուհի, իմ Նանե անչափ հուզիչ էր շարադրությունդ👍👩🏻‍🎓

  10. Այնքան տպավորվեցի ,որ չեմ կարողանում ուշքի գալ:Ամեն տողում մի ասելիք կար :
    Շնորհակալ եմ շատ :

  11. Տրտում և սրտակեղ պատմություն է,որը չի կարող չհուզել կամ չազդել մարդու հոգեվիճակի վրա:

  12. Երանի այդ կոշիկները կրողը ծնվեր առողջ և կենսախինդ բալիկ: Յուրահատուկ պատմություն էր:

  13. Այսքան հուզիչ աշխատանք:Խոսքեր չունեմ : Թախիծս չեմ կարողանում զսպել: Շատ տպավորիչ է:

  14. Անտարբեր չկարողացա անցնել այս գրածի կողքով: Շատ խոցված եմ : Արցունքներս չեմ կարողանում զսպել:

  15. Չգիտեմ գրողի տարքիը, բայց ասեմ որ ամեն ինչ շատ ճիշտ էր ներկայացված,կարծես գրել է այն ինչ կատարվել է իր հետ👏👏👍👍

  16. Հերթով կարդացալ եմ բոլորը,բայց այս հեղինակը ամեն ինչ այնքան գեղեցիկ է ներկայացրել։ Պատմության հետ մեկտեղ փորձել է նաև գեղեցիկ մեջբերումներ անել։Ստացված աշխատանք👏👏👏

  17. Այնքան եմ ոգևորվում երբ կարդում եմ այսպիսի յուրահատուկ աշխատանքներ։ Տխուր վերջաբան,բայց շատ խորը։Կար նաև ճիշտ կառուցվածք👏

  18. Իմ սիրելի աշակերտուհի, իմ Նանե անչափ հուզիչ էր շարադրությունդ👍👩🏻‍🎓 i

  19. Ձեզ մոտ շատ լավ է ստացվում , հետաքրքիր պատկերացումներ ունեք,շարունակ եք գրել

  20. Ինչքան գեղեցիկ են նկարագրված կնոջ ապրումները👏(Գիտեք՝ հավանաբար միակ դեպքն է,երբ երեխայիդ լացը քեզ երջանկացնում է) 👏👏👏տիպիկ խոսք👏👏հիացած եմ👍👍

  21. Տպավորիչ ստեղծագործություն։Ինձ գրավեց նրա գեղեցիկ արտահայտությունները։
    Որոնցից են՝
    Վայրի ձայն👏
    Որսալ երեխայիս ձայնը👏
    Երկնային ցավեր👏
    Բոլորը չթվարկեմ😊
    Կեցցեք👏👏👏

  22. Իսկապես հասուն գործ է։ Կանոնավոր է շարադրված։
    Միտքը շատ հստակ է👏։ Գովելի է👏👍

Leave a Reply to Ստելլա Cancel reply

Your email address will not be published. Required fields are marked *